二讀字——「甫」

　　「甫」字有兩個音，與「甫」字結合而成的字就會根據唔同字義發唔同音，
　　例如「師傅」就讀「fu2」，取了「甫[fu]」字的u韻。
　　而「蒲公英」就讀「pou4」，取了「甫[pou]」字的ou韻。

　　而卻普通話得一個發音。(但「粵語審音配詞字庫」呢個網卻有三個普通話音)
　　原因：內地已經淘汰了兩個音，祇剩下fǔ音。(可翻閱最新版新華字典)
　　所以其實廣州的「第十甫路」，粵語讀「普」，而國語已經祇有「府」音。
　　所以第十甫路那間「中國工商銀行」英文譯音係「DI SHI FU LU」的分行，各位有機會行上下九時經過第十甫路可以睇一睇(除非間銀行執笠)。

　　雖然「甫」字在普通話已經失去「普」音，但粵語係依然保留住「普」音。
　　學術界認定「古無輕唇音f」，「杜甫」喺「粵語審音配詞字庫」此網列於「府」音一行應該係「同普通話對音」，呢個係我個人認爲(祇係個人認爲，祇係個人認爲啊)。正如「構」「使」，等字，我都認爲佢係同普通話對音得出結果，因爲此網最大依據係以《康熙字典》作依據，而《康熙字典》乃清政府編，清政府之語言則mandarin，亦即與現時北京話大同小異。所以標本(《康熙字典》)已經用錯了，再「正」音落去已經白費心機。(個人認爲)(個人認爲)

　　再續上篇，何解我要拉埋「構」「使」字落水？
　　因爲「構」普通話讀「夠」，《康熙字典》標音「夠」，則引用《康熙字典》就係粵語「夠」。
　　因爲「使」普通話讀「史」，《康熙字典》標音「史」，則引用《康熙字典》就係粵音「史」。

　　雖然我噉講當然會得罪《康熙字典》，因爲《康熙字典》個「使」字唔止一個音，好清楚列明：
　　『音史：《禮·曲禮》六十曰耆。指使。註：指事使人也。』
　　『音駛：《六書統》：從人，從事，令人治事也。』
　　當然上邊祇是摘錄數句而不全部列舉。明顯說明兩讀音有別，印象中記得《漢語大字典》上有寫過：『人驅物音駛，物驅人音史。』正好同《康熙字典》吻合。
　　所以其實係有分別。「使用」則係屬於「人驅物」解釋中，則讀「駛」無誤。

　　但偏偏，「駛」字及「史」字，普通話發音完全一樣。得一個si2音。故跟普通話對音的音韻大師，都要人家正音「史用」。

　　至於「構」字都唔使[駛]多講啦，例子同「使」字大同小異。
　　以上見解屬個人認爲，不代表「實際」情況。

　　再講一個俗語作證，相信大家都聽過玩中國象棋有一名句：卒仔過河當車使

　　你哋有邊個係讀「史」嘅？？同我企出嚟。
　　其中，「使」字就係「使用」個使意思，而且講明「當車使」，當然就屬「人驅物」一列，亦正合《康熙字典》、《漢語大字典》解釋，音讀「駛」爲之最最最正音。

　　相信隨手翻開一本棋局書，上邊見到有一句「卒仔過河當車使」，唔會有人講成「卒仔過河當車史」呀？？

　　再提，「擇使」大家都知道咩意思啦，毋須多解釋，大家亦都知道係讀「澤駛」音，原意就係將銀幣「揀擇過之後再使用」，所以就「擇使」，既然大家都讀「澤駛」，爲何「使用」又要特別一點去讀，要讀「史用」呢？簡直就可笑。

　　『「揀擇後再使用」=「擇使」，音「澤駛」。
　　「使用」就要特別一點去讀，讀「史用」？可笑。。。』

本頁由製作
This page was made by RECREATIONAL ZONE